Cuminda Cajente

Asparagus custard

Ingrediente:
• 2 cups asparagus corta pida-pida
– 3 webo
– 3 cuchara di manteca (gesmelt)
– 2 cups lechi
– ½ telep salo
– 1 telep tabasco

Preparacion:
herbe asparagus den un poco awa te ora e ta moli. Bati webo y pone e manteca gesmelt y lechi y salo. Ponenan hunto cu ½ cups die awa cu e asparagus a herbe cune. Pone den un baki hunta cu
manteca tur cos hunto. Despues pone e baki aki den un otro baki cu awa cayente (baño di maria) y pone den fornu na (350 grado) y lage te cu mei ora pa 1 ora. Bo ta check e custard y sirbie cayente.

Ayaca

Ingediente:
• 1 ½ saco hariña pan – 6 ½ lb. foyo pa ayaca (herbenan 10 min)
• 1 lb. Crisco – 1 lb carni baca sin webo y sin vet
• 2 lb carni porco – 2 ½ lb. galiña – ½ .b. bacon – 3 lb. promenton
• 2 lb. ayoporros – 3 lb. sibojo
• 3 lb. tomati – 1 paki siboyin
• 1 paki peterselie – 2 cabez konoflo
• 1 boter alcapara (chiq.) – 1 botter mosterd (chiq.)
• 24 olijfi – 2 kopi rasenshi
• 24 pruim – 48 cashipete
• 2 cuchara saus ingles – 1 glas grandi biña moscatel
• 1 rol cabuja fini pa mara.

Preparacion:
corta e carni di baca y di porco den pida pida cuadra. Herbe y galiña y lilanan den pidanan chiquito (waroda e bouillon o consomme). Mula e promenton ayoporros, siboyin, tomati, sibojo y peterselie. Pone e crisco ceinta den un planchi y pone mitar di e ingredientenan anterior den dje, hunto cu mitar di e konoflonan machica, (usa awor solamente mitar di e crisco). Ora e ingredientenan aki ta hasa, agregae resto di e ingrediente mula y laga nan hasa un poco mas preparando un smoor. Pone carni di porco di baca y e bacon corta den repi fini y laga tur hunto cushina te ora cu nan keda bon hasa. Despues agrega e carni di galiña. Ora e stoba ta cla agrega e alcapara, rasenchi, mosterd, saus ingles, e biña, salo, peper na bo gusto. Despues cu e mansa ta cla disolve un poco consome di galiña den dje. E otro mitar di crisco ta worde hasa cu e resto di conoflo machica. Pa mansa nos ta sigui e instruccionnan ariba e paki di hariña Pan y agrega ½ kopi di crisco pa cada paki di harña pan. Si bo tin deseo di duna e mansa color agrega un poco di colo-o-noto na e conoflo y cris.

Bakijou a la marina

Ingredientenan:
• 1 paki di bakijou SEA BEST
• ½ siboyo grandi corta na reenchi
• ½ promenton berde corte na repi
• ½ promenton cora corta na repi
• 2 cuchara grandi di azeta di olijfi
• 2 augurk corta na blokki
• 15 zilveruitjes
• 1 cuchara di picalili
• 1 cuchara di tomato pure

Preparadion:
pone e bakijou fresca pa saca e salo (24 ora prome) su mañan ta herbe e bakijou pa mas
of menos 1 ora. Smoor tur e ingredientenan, ora cu e bakijou a caba di herbe ta pone
hunto cu e ingredientenan y laga smoor pa 15 min.Por come cu aroz, funchi of batata herbi. Cu awacati y banana hasa.

Bakijou Stobá

Ingrediente:
• 1 paki di bakijou
• 1 siboyo
• 2 promenton
• 2 tomati
• 1 taki di selder corta chikito chikito
• 2 diente di knoflook
• 1 cuchara grande di awa
• 1 cuchara grande di manteca

Preparacion:
pone e bakijou fresca for di anochi y percura pa e awa tapa e bakijou completo. Mainta ora ta cla pa cuminza ta laba e bakijou bon, kita e scama y bute herbe cu knoflook. Ora e bakijou caba di herbe esta bira moli, ta score e awa y ta labe dos te tres biaha pa e salo sali. Despues nos ta corta e bakijou chikito chikito, y ta bolbe labe pa despues hase den un tiki zeta. Pone e siboyo, promenton, tomati, y selder hasa
den un cuchara di awa, y manteca. E awa ta pa e specerijnan no seca mucho. Despues ta pone e bakijou hunto ce u specerijnan y laganan cushina un tiki. Por sirbi e bakijou hasa cu pampoena herbi, tutu of funchi.

Balchi di salmon

Ingrediente:
• 3 webo – 1 bl. Salmon di awa chikito
• Siboyo, promenton, pica
• Maggy sauce, black peper, bladk soy, ketjap manis, (un tiki
di caka uno) – 8 cuchara di hariña – ½ cuchara di baking powder

Preparacion:
Bati e 3 webonan tira e salmon cu su awa aden. Tira siboyo corta chiquit, promenton, pica, maggy, black pepper, black soy, ketjap manis tira e 8 cuchara hariña y e baking powder, bruhanan hunto.Pone azeta hasa cayente, cu un cuchara di e mansa pone den e planchi lage hasa.

Bolo di pan cu lamoenchi

Ingrediente:
• 4 webo (separa blanco for di dol)
• 1 1/3 kopi di lechi condens
• 1 telep di casca di lamoenchi raspa
• 1/3 kopi juice di lamoenchi
• 1 telep di incensia di vanilia
• ¼ telep di nutmuskaat
• 2 cuchara gr. di manteca dushi dirti
• 2/3 kopi di pan bieu raspa fini

Preparacion:
Bati e dol di webonan bon bati y despues bruhanan cu e lechi condens. Pone acerca e casca di lamoenchi, e juice di lamoenchi e vanilia y nutmuskaat. Bruha tur cos bon den otro. Bati e blanco di webonan bon bati y basha esaki tambe adeny despues e manteca dirti y mitar di e pan raspa. Awor ta hunta un forma cu rees, y ta strooi den dje mitar di e sobra pan. Ta basha e mezcla den e forma y sobra pan riba dje. Durante ½ ora ta horne den un forno no mucho cayente, despues ta pega e fornopero ta lage e bolo aden cu porta cera 1 ora mas.

Cabaron di caribe

Ingredientenan
• 1 lb. di cabaron (pele y hacie limpi pa herbe)
• 1 siboyo corta chiquito
• 1 apel pela y corta na bloki chiquito
• 1 bara di manteca of margarina blue ribbon
• 1 telep di curry powder
• 1 tenchi knoflook machica
• 1 cuchara grandi di pindakaas
• 1 lamoendhi y salu segun smaak

Preparacion:
Hasa e siboyo cu apel y e curry den manteca te ora nan haya uncolor geel. Pone e knoflook hunto cu nan. Awor drei e pindakas aden y basha mes tanto awa lauw te ora e saus ta diki. Primi un tiki lamoenchi y strooi salo segun smaak den e saus. Lagecushina pa 8 minuut. Pone e cabaronnan aden y e ta cla pa come.

Cabrito stoba

Ingredientes:
– 1/2 liber carnisa1
– 1/2 liber di kabrito
– 2 cibyo mediano corta fini
– 2 teenchi knoflook corta fini
– 1 promenton corta na bloki
– 1/2 madam Jeanette corta fini fini
– 2 tomati pela y corta den kwater
– 1 tsp suco
– 1/4 tsp nootmuskaat
– 2 tbs rucu
– Lamoenchi
– Salo y pepper

Preparacion:
Laba e carnisa, kita e vet y pone herbe pa 15 minuut. Cambia e awa un biaha. Corta e carnisa den pida (bite size). E cabrito bo ta season cu salo, garlic powder, onion powder, nootmuskaat y pepper. Tambe agrega na e season english sauce. Hasa e cabrito hunto cu promenton, ciboyo, knoflook y tomati pa 15 minuut. Agrega e carnisa y si mester un tiki awa. Cushina e cabrito te ora nan ta casi cla. Agrega e batata y pasta di tomati. Cushina te ora e batata ta moli.

Calbas largo stoba

E cuminda aki bo hasi mescos pa papaya stoba.

Ingredientes:
– Un calbas di ongeveer 3 liber
– 1 liber di carnisa
– 2 liber di carni stoba
– 2 ciboyo grandi corta na bloki chikito
– 1 promenton corta na bloki chikito
– 2 tomati mediano
– 1 1/2 di pampoena
– 2 batata dushi chikito
– Manteca
– Rucu
– Pasta di tomati
– Nootmuskaat
– Comino
– Salo y pepper na smaak
– Bouillon vegetal (2 liter)

Carni stoba cu comino, pepper y salo. Hasa e carni stoba den mantega te ora e bira un tiki bruin. Agrega e carnisa y tur berdura cu exception di e pampoena y batata dushi. Agrega e bouillon vegetal, nootmuskaat, ruco, pasta di tomati. Laga tur cos stoba pa 45 minuut riba candela abou. Check si e carni ta moli. Agrega e pompoena y batata dushi ora e carni ta moli y lage stoba pa 15 minuut mas. Hasi bo funchi y bon provecho.

Calchi carni

Ingredientenan:
Sasona e carni cu:
– Season all
– Mascala
– Polvo di konoflok
– Paneermeel

Den blender:
– 1 siboyo
– 1/2 promenton
– 3 tenchi konoflok
– 2 pida cilantro
– 1 pida selder
– un tiki ketjap mani

Sirbi cuanto: 4 pa 5 persona

Instruccionnan:
Mezcla e carni sasona cu locual bo a caba di blend. Tira paneermeel aden. Si no tin, bo por toast pan y usa su garna. Traha e carna na bola. Por bati un webo y pasa e balchinan den webo pa mara. Pone e wok keinta cu basta azeta y laga e azeta bira hopi cayente. Pone e balanan hasa den dos biaha. Ora caba di haci nan tur pa prome biaha, ta cambia e azeta y ta haci e wok limpi tambe. A wor por haci nan di dis biaha.

Saus:
Coi un tiki di e azeta cu bo a caba di haci e balanan pa traha e saus.

Agrega:
– 1 siboyo
– 1 promenton
– 2 tomati fresco
– Un tiki ketjap mani
– Un tiki tomati catchup
– Un tiki awa
– Na final por corta ginger chikito pone aden

Ora cu bo saus ta kla, ta pone e balanan landa den dje pa e toke final.

Calco a la Parilla

Wak e grill ta cayente pa esaki.

– Calco
– Madame Jeanette
– Lamoentji
– Maggi (bastante)
– Conoflok
– Azeta Vegetal
– Salo y pepper na smaak.

Hasie e calconan limpi y bai nan cu un meat mallet, pone salo, pepper, madam jeanette y un tiki azeta vegetal riba nan. Hasa nan “a la parilla” tur dos banda. (No laga nan hopi riba candela asina nan ta bira duro). Traha e saus di lamoentji, maggi, conoflok y madame jeanette y basha riba nan. Mas madame jeanette ta mihor. Come cu pan bati y banana hasa.

Calco Stoba

Ingrediente:
• 4 pida calco
• 1 siboyo
• 1promenton
• 2 of 3 lamunchi
• 2 cuchara grande di manteca
• 1 cuchara di consomé

Preparacion:
E calco un vlies roos pues mester kita esaki y lage blanco blanco pa despues ta bati e calconan te ora nan plama for di otro. E ora ey ta corta nan chikito chikito y pone nan den comchi. Corta e siboyo y promenton y laga nan hasa den e dos cucharanan di manteca den un panchi hundo. Ta pone tambe consumé y laganan hasa un tiki. Ora ta asina leu ta pone e calco den e panchi y laga nan djis hasa un tiki asina. Ta sake for di panchi y sirbie mesora. Pos saboria e Calco Stobá aki ku sea aros of tutu.

Calco tempera

Ingredientes:
– 1 liber di calco
– 3 ciboyo mediano
– 1 of 2 Madame Jeanette
– Awa caynte
– Salo y sucu

Den e baki di plastic of conchi di glas grandi pone e ciboyo corta na renchi. Agrega e eMadam Jeanette, salu y sucu (1 cuchara cada uno). Pone u wea herbe cu awa y salo. Slice e calco den dos pida y tenderize e cu martiuw dicushina (meattenderizer). Pasa e calco den awa cayente. No lage herbe den e awa. Corta ecalco den repi of bloki (depende di bo gusto) y tire den e baki plastic of conchi glas. Mix e bon. Usa awa cayente pa traha e vinager. Ami personalmente mi ta tira ongeveer 40 ml di vinagerpuro den e baki y mix e contenido bon. Purbe pa sabor y si falta zuur agrega un tiki vinager acerca.

Chow Mien di Galiña

Ingrediente:
• 3 liber di galiña (pecho) corta chikito
• ½ cup di hariña di pan
• 2 cuchara chikito di sala
• 2/3 cup di res
• 2 siboyo corta chikito
• 1 pida siboyo largo corta chikito
• 4 cup di awa
• 1 cup di mushroom corta chikito
• 4 blokki di bouillon
• 1 liber di spaggethi
• 2 cuchara grandi di Worcestershire Sauce

Preparacion:
Herbe e spaggethi den awa cu salo, ora cu e ta moli, ta score e awa ofo, y lag’e para. Bruha e salo y e hariña di pan den otro, pasa e galiñanan den e mescala aki. Pone e res na candela lag’e bira cayente, anto awor ta hasa e galiñanan aden. Caba ta pone e siboyo, selder, siboyo largo, mushroom tambe den e wea. Laganan tambe hasa un tiki, y ora nan bira bruin, ta pone e blikkinan di bouillon den un tiki awa, y basha nan tambe aden. Ta pone dos cup di awa tambe aden, tap’é. Awor ta baha e stof. Lag’e cushina mas óf menos mey ora óf te ora cu e bira moli. Ora e ta cla, ta pone e Worcestershire Sauce acera, y ta drey’e bon. Baha e wea foí candela. Basha e spaggethi riba un schaaltji, pone e galiña cushina riba dje, cu su saus un banda pa come.

Cibojo pika – Tempera

E ciboyo pika ta bai bon cu pisca hasa of use pa tembera ham, spam y seafood.

Ingredientenan:
– 3 ciboyo mediano cora
– Un of dos tenchi knoflook
– Awe cayente
– Essencia di Vinager
– Madam Jeanette
– Sucu y salo na smaak

Corta e ciboyo den renchi of chikito depende bo smaak. Corta e knoflok masha chikito. E madam Jeanette ta wordo corta chikito chikito of grandi si bo ta pensa di sake dispues pa no hasie
mucho pika. Mescla e ciboyo, knoflok y pika den un bowl di plastic of glas agrega e salu y sucu. E verhouding di vinager pa awa cayente ta ongeveer 1:8. Bo por hunga cu verhouding si bo kier e zuur mas skerpi of menos zuur. Si bo ta bay tempera ham of spam bo ta agrega un paar di clabo aden. Si bo ta tempera pisca (hasa) pone dos bladchi di laurel y un paar di clabo aden.

Ciopinno

Ingrediente:
• ½ lb. di filet di pisca – ½ promenton berde
• 2 siboyo corta chiquito – 1 teenchi knoflook corta chiquito
• 1 cuchara grandi di azeta dushi – 1 bl. grandi (16 onz) di tomati corta
• 1 bl. (8 onz) di saus tomati – ½ telep di salu
• ¼ telep di oregano – ¼ telep di basil peper
• 2 bleki di cabaron – 1 bleki di mixed clams

Preparacion:
Corta e fillet di pisca na pida chiquito. Corta promenton. Den un wega grandi hasa e promenton, siboyo, knoflook den azeta dushi te ora e siboyo cuminsa blink. E no mester bira bruin, agrega e tomati y saus di tomati biña, peterselie, salu, oregano, basil ypeper. Laga nan herbe. Baha e candela y smoor e pa 20 minuut. Pone pisca aden, cabaron y e bleki di clams. Laga nan herbe. Baha e candela pone tapadera y lage smoor pa 10 minuut of te ora e pisca no ta cura mas. Sirbie cu pan bati.

Frekedel di pisca

20 ons di pisca. Season cu peper, salo, lamoenchi y worcestersauce (L&P)

Corta na bloki:
– 3 oz promenton
– 3 oz tomati
– 3 oz selder (e blaachi)
– 3 oz sibojo

1. Pasa pisca den harina y hasi esaki
2. Sautee den planchi cu e pisca e verduranan, agrega 3 oz awa y 1 tsp di comino
3. Laga esaki smoor pa 30 min
4. Laga e pisca fria (sake pone den bowl y pone den cooler)
5. Mula e pisca, verdura, promente, of pica di papaya
6. 1 webo den e mescal; 1 cup pa 1 1/2 cup di maneermeel poko poko
7. Pasa e frekadel den harina blanco y hasanan den azeta cayente
8. Si e falta pika ta agrega pika di papaya
9. Si bo ta hase e mesun dia bo ta pase 2 vez den harinja

Breaded Banana:
1. Corta bacoba na 2
2. Pasa nan den webo (bon bati), harinja blanco y despues den paneermeel
3. Hasa nan den azeta cayente.

Gelatina

– 2 bl. condence
– 1 bl. lechi
– 1 bl. awa
– 4 webu
– 1 bl. peach parti na 1/2
– 400 grms., 2 kop – sucu
– 3 paki knox (10 sacu)
– 3 lamoentje
– 2 cuch. vanilla

No. 1:
4 sobres di knox den 1 glas di 1/4 l. Di awa frieuw cu e 3 of 4 lamoentje primi y lagele para.
Den 2 glas di awa y 2 kopi de sucu nos ta pone herebe, asina e herebe bahele for di stoof y basha no. 1 aden. Den un molde nos ta basha y hinkele den dreezer te ora e bira mitar duro. Ora e ta 1/2 duro nos ta pone e peach nan den dje y bolbe hinkele aden te ora e bira awor si duro-duro (gelatina) e ora ei bo ta pone e sobra riba dje y bolbe vries e.

No. 2:
– 2 glas di awa frieuw
– 2 doep lepel vanilla
– 6 sobres knox
– Toer esei nan laga para meskos cu no. 1

– 2 bleki condence
– 1 bleki lechi
– 1 cleki awa
– 4 weboe di drei

Pone nan tur aki riba candela y sigi drei te ora e herebe. Bahele for die candelay basha no. 2 den dje y sigi drei te ora e fria pa e no hanja vel. Ora e a fria y e otro den freezer ta duro, bashe riba dje y pone back laganan cuaga.

Hala di galiña style BBQ

Ingrediente:
• 250 gr. Hala di galiña – 8 cuchara di ketcup
• 8 cuchara di Soya sauce – 1 cuchara chikito di honing
• 1 cuchara chikito di binager – 2 teetchi knoflook
• ½ siboyo salo segun smaak

Preparacion:
1. Laba e halanan, depues secanan bon.
2. Machica of mula e siboyo y e knoflook fini-fini.
3. Traha un saus di tur e ingredientenen
4. Hunta e halanan cu e saus aki, laganan trek e sabordi e saus aki un rato.
5. Pone nan den un baki pa bay forno y kinke den forno na 200 grado, laga nan bira bunita bruin.

Keri Keri

Ingredientes:
– 2 lbs fillet di pisca
– Celdery
– Promenton grandi corta na bloki chikito
– Ciboyo corta na bloki chikito
– 1/2 tsp rucu
– Manteca
– Pepper
– 10 blachi basil

Den un wea grandi herbe e pisca den awa cu salo pa 20 minuut. Lage e pisca fria y garna e pisca. Den un wea di hero hasa e celder, promenton, ciboyo y e blachinan di basil den mantega pa ± 3 minuut. Agrega e pisca y rucu lage hasa pa 5 minuut mas. Usa e pepper pa trese na smaak. Si bo kier hasi e kerikeri pica agrega 1/2 madam Jeanette ora bo ta hasa e celder.

Kreeft

Ingrediente:
• 1 kreeft
• 1 cuchara grandi di manteca
• 1 siboyo grandi
• 1 kelki di brandy
• 1 glas di biña blanco
• 1 bleki di mushroom (champignon chiquito)
• Salu, pica

PA SAUS
Ingrediente:
• 3 sol di webo
• ½ kopi di awa
• 3 cuchara grandi di manteca
• 1 cuchara di lamoenchi (awa)
• Salu, pica

PA ADORNO
Ingrediente:
• 1 lb. di batata (chiquito)
• Sneetje di lamoenchi

Preparacion:
Herbe e Kreeft saca su carni, corte chiquito. Pone e manteca kima den un wea y corta e siboyo chiquito den dje. Pone e kreeft hunto cu e siboyo, baha e stoof un poco y basha e biña, e brandy y e mushroom tambe den e wea y poco salu y pica segun smaak, lage smoor un rato te ora e seca poco. Ta pone e dol de webonan den un comchi hunto cu e awa y ta bati esakinan un poco. Despues ta pone e comchi aki a baño di maria ariba candela y ta sigui batie te ora e bira scuma. E ora ey ariba candela mes ta pone acerca e manteca, e lamoenchi y salu y pica y ta sigui batie te ora e rende basta. Mientras ta traha e saki aki e kreeft tambe a bin cla, ta bashe den un asetchi, basha su saus ariba dje. Pa adorno ta herbe e batata nan caba hasa nan den manteca pone nan na rand di e asetchi hunto cu e sneechinan di lamoenchi.

Lomito Franses

Ingrediente:
• 2 liber di lomito
• 1 siboyo grandi corta fini-fini
• 2 bleki di mushroom
• 1 cup di bouillon
• ½ cup di hariña di pan
• 1 glas di biña corra
• Un tiki salo, cuffy y knoflook na puiro Manteca

Preparacion:
Despues di laba e lomito cu awa cu salo ta sasone cu e curry y e knoflook y lag’e para un rato. Awor den un wea di funchi, of un wea di hero nos ta pone manteca hasa bira bruin. Ora ta asina leu ta pone e lomito aden y laga hasa bira bonita bruin. Awor ta traha un saus di siboyo, bouillon, hariña di pan y e manteca. Si e ta tiki, nos ta pone mas manteca hunto y e biña y laga nan cushina pa 10 minuut. Ora ta cla ta basha e mushroom aden y laga esaki tambe cushina un tiki. Nos ta basha e sauw aki riba nos lomito y e ta cla.

Lomito horna

Ingrediente:
• 1 pida lomito
• 4 cup di ojange mermelada (jam)
• 3 cuchara gr. Di frozen orange juice
• 1 telep di mustard
• 1 siboyo chiquito raspa
• ¼ cup di soy saus

Preparacion:
Laba e lomito bon, lore den foil paper y pone den forno, prete bon den e foil y lage cushina bon den e forno pa 1 ½ ora. E resto di e cosnan pone den un bowl, mix nan tur hunto saca e carni horna, kita e foil. Hunta un forma cu manteca, pone e carni aden. Cu un kwashi hunta e carni cu ½ di e saus. Pone bek den forno, despues di ½ ora sake y bolbe hunte cu e resto di e saus. Despues bolbe pone den forno pa un rato pa e coy smaak. Ora bo sirbie pone cu aroz y berdura.

Omelet di pisca

Ingrediente:
• 2 kopi di pisca herbi
• 2 cuchara di siboyo corta chiquito
• 1 telep di salo
• ½ kopi di lechi
• ¼ telep di peper
• 3 cuchara di vinager
• 4 webo
• 4 cuchara di manteca dirti

Preparacion:
Prome ta bati e webonan. Bruha tur e specerijnan hunto. Te delaster ta pone e pisca. Pone un panchi na candela cu azeta dushi. Lage bira bon cayente basha awor e omelet aden y lage hasa bira bruin tur dos banda.

Paella

Ingrediente:
• 4 cuchara gr. Di manteca
• 150 gr. Pisca
• 300 gr. Cabaron
• 300 gr. Cangreuw di bleki
• 2 kreeft
• 300 gr. Oester fresco of di bleki
• 1 bleki mushroom
• 300 gr. Aroz
• 2 siboyo corta chiquito
• 1 promenton corta chiquito
• 1 tomati palo
• 2 cuchara di saus preto (soya saus)
• 1 ½ cuchara di brandy
• 1 consome di pisca
• Pikante na smaak

Preparacion:
Dirti e 4 cuchara di manteca, y hasa e siboyo, promenton, djei e tomati palo. Ora nan ta medio hasa tira e cabaron, e cangreu, e kreeft, oester y e pisca y laga nan hasa un rato. Djei bo ta tira e mushroom, e consome di pisca, y e brandy y laganan sigui hasa, delaster bo ta basha e azeta di olijvi, y laga nan hasa ariba candela abao. Herbe e aroz cu mita di bouillon di pisca un pida di promenton pa duna e aroz smaak. Ora e aroz ta cla, bashe den e plaanchi, draai e aroz bon pa tur cos drenta bon den otro y laga tur cos hasa bon, y sigui draai e pa e no pega te ora e seca bon.E no mester keda muha. Tira bo picante na bo smaak y listo.

Pan bati

Ingredientes:
– 1/2 cup di harinja blanco
– 3 cuchara di harinja geel
– 1 telep di baking powder
– 1 cuchara di lechi
– 1 cuchara di sucu
– 1 cuchara di salu
– Awa
– Azeta

Mescla tur e ingredientenan seco den otro. Agrega awa den e mescla te ora e bira un batter un tiki fini. Pone un casuela (un planchi di teflon tambe ta juda) na candela y hunta esaki cu
azeta. Bati bo pan y bon provecho.

Papaya stobá

Ingrediente:
• 1 papaya bèrde
• 1 liber di carni di cabrito
• 1 liber di carnisá
• 1 liber di rabo
• 3 batata aardappel
• ½ siboyo grandi
• 1 cuchara chikito di nootmuskaar
• 2 diente di knoflook of 1 cuchara chikito di knoflook na puiru
• 1 cuchara grandi ki rucu pa e cominda haya su color.

Preparacion:
Fresca bo carnisá y rabo for di un dia promé, esta laga e carninan pasa anochi den suficiente awa. Ora ta bay cushiná ta laba nan sigur dos te tres biaha. Corda si cu nan mester ta corta chikito chikito. Logicamente ta laba e carni di cabrito tambe hopi bon cu su awa cu lamoenchi. Ora tur carni ta bon laba ta pone nan den un wea cu awa cu ta cuater dede riba e carninan. Agrega e siboyo, nootmuskaat y knoflook y laga nan cushina bira un tiki moli. Mientras tanto ta prepara e papaya. Prome cu corta e papaya ta scherf esaki rond su curpa pa asina e lechi por sali. Despues ta casca y corta e papaya na dou dou, labé bon y poné huntu cu e manteca cerca e carninan. Na momento cu e papaya a cushina un tiki, ta agrega e batata cortá na blokki y e ruca. Bruha tur cos hunta, tapa e wea bon y laga esaki soda, manera nan tabata bisa antes (soda ta significa laga e cuminda cushina un poco man). Ora nos Papaya stobá ta cla nos por comé cu un bon funchi of aroz.

Pisca Corra Hasa

Ingrediente:
6 Pisca corra pareu – Azeta (e cantidad mester ta net pa e subi un tiki riba e pisca ora ta hase) – Salo •
Lamoenchi segun bo smaak – 3 pa 4 tenchi of djente di knoflook

Ingredientenan p’e saus:
1 siboyo grandi – 1 tomati – 1 promenton – 1 cuchara grandi di manteca – 2 cuchara di consome – 1 cup di awa

Preparacion:
Muha e pisca pa asina por scam’e mas lihe. Pa keda cla mas lihe por scama e pisca cu un forki. Ora ta cla di scama, ta limpia e pisca su paden bon y labe bon pa despues scherf e pisca cada banda di su curpa. Ora ta cla, ta buta salo riba e pisca y primi bon lamoenchi riba dje. Caba bute riba un serbete y sek’e, pero no ta laba e pisca. Kita e lamoenchi y salo. Mientras tanto ta pone un panchi na candela cu azeta cu e djentenan di knoflook. Laga esakinan hasa te ora nan bira bruin. Si e knoflooknan no ta bon hasa e piscanan ta pega, pues check esaki bon. Ora ta asina leu ta pone e piscanan den e azeta y laga nan hasa bon tur dos banda. No tapa e panchi!!! Ora e piscanan ta bon hasa ta saca nan for di e azeta y awor nos ta ban prepara e saus. Ta pone tur e specerijnan hunto den un panchi cu e manteca y laga nan hasa un tiki. Despues ta pone e cup di awa y e cuchara di consome. Laga esaki cushina un poco y nos saus ta cla. Sirbi bo pisca cu su saus crioyo, sea cu su funchi, aroz, tutu of batata. Anto pa e pisca corra baha mas miho ainda corda sirbi’e cu su banana moli hasa.

Pork chop den saus di tomati

Ingrediente:
• 2 cuchara grandi di azeta dushi
• 4 pork chops
• 4 cuchara grandi di pasta di tomati
• 1 ½ cup di bouillon di carni
• 1 bay leaf (lourierblaachi)
• 1 manteca of margarina
• ½ telep di oregano
• 1 paki frozen sweet peas

Preparacion:
Ceinta e azeta basta e pasta di tomati y bouillon aden. Drei nan y pone e bay leaf tambe aden. Den un otro planchi hasa e pork chops den manteca tur dos banda bruin y agrega e saus di tomati. Pone e tapadera y laganan smoor pa 20 min. Strooi e oregano den e saus y pone e sweet peas aden. Ceintanan den e saus atrobe. Sirbie cu aroz of macaroni.

Promenton yena cu cabaron

Ingrediente:
• ½ cup di macaroni herbi
• 6 promenton berde grandi
• ½ cup di selder corta chiquito
• 3 cuchara grandi di mateca
• 3 cuchara grandi di hariña blanco
• 1 telep di garlic salt
• 1 ¾ cup di lechi
• ¾ cup di swiss cheese raspa
• ¼ cup di biña blanco seco
• 2 bleki di cabaron

Preparacion:
Corta e top di e promentonnan y kita e simianan y e paden. Herbe e promenton nan pa 3 minuut den awa cayente cu un tiki salo. Bira nan boca abao pa scoria e awa. Haza e selder den e manteca,
agrega e hariña y garlic salt. Basha e lechi di biaha aden y cushine y drei te ora e bira diki. Tira ¼ cup di e keshi raspa y e biña aden. Drei e te ora e keeshi smelt. Pone awor e macaroni y e cabaron aden. Yena cada promento cu e mezcla aki y pone nan den un baking sheet y pone den forno na 350 grado pa 30 minuut. Strooi e resto di keeshi y pone nan horna pa 3 minuut mas of te ora e keeshi smelt.

Pudding di carni

Ingrediente:
• 2 liber di carni di baca corta nan dow dow
• 6 webo
• 1 tomati
• 1 siboyo
• 1 promenton
• 8 alcapara
• 10 aceituna
• 20 rasenchi
• ½ kopi di manteca
• ½ kopi di awa

Preparacion:
Laba e carni pone hasa den manteca cu e siboyo tomati y promenton. Ora e carni ta moli slais e aceitunanan y pone nan hunto y e alcaparanan y tambe e rasenchi. Bati e webonan y bashannan den e carni. Mescla tur cos bon mescla y bashanan den un forma bon hunta cu rees. Pone den fornu na 300 grado pa 1 ora.

Receta di pan

Ingrediente:
• 2 ½ cup awa
• ½ cup lechi
• 1 cuchara chiquito salo
• 6 cuchara grandi sucu
• ½ staf di margarina Blue ribbon
• 4 cuchara grandi rees Crisco
• 2 cuchara grandi ijs instant
• 2 ½ liber hariña blanco

Preparacion:
Pone den komchi grandi, tur ingrediente hunto no e ijs. Pone poco hariña drei tur hunto. Pone e ijs basha resto hariña y mansa nan te ora e mansa bira suave. Lora nan rondo of ki fomra cu ta. Laga nan rijs bon. Honra nan na 350 grado, te ora nan bira un tiki licht bruin.

Roast chicken

Ingrediente:
• 1 paki di chichen legs di 5 liber
• 1/8 teenchi di knoflook, selder
• 1 telep di res crushed peper
• Kruidnagel, yerba buena, promenton, siboyo
• 2 telep di curry
• 2 telep di consome
• 2 telep di pikante
• ½ telep di black peper
• Soya saus, ketchup, maggie

Preparacion
Laba e galiña bon cu lamoenchi y knoflook. Pone stoba cu tur e specerijnan y sausnan te cu e sausnan bira diki. Saca e galiñanan huntanan cu manteca y barbeque saus y pone nan den fornu 20 a 30 minut na 500 grado te ora cu e bira bruin.

Scampi

Ingrediente:
• 2 tenchi knoflok machika
• ½ telep di salo
• ½ telep di oregano
• 1 lb di cabaron casca limpi
• ½ cup di peterselie, corta chiquito
• ¼ cup di manteca margarina blue band• ½ lb di spaghetti herbi• 1 bleki di spinazie

Preparacion:
Mezela e knoflook, salo y oregano. Agrega esaki cu e manteca hunto cu azeta dushi. Ceinte, despues pone e cabaronnan aden. Hasanan pa 3 pa 5 minuut of te ora nan bira un color rose. Pone peterselie ariba tambe. Sirbie cu spaghetti cu spinazie, mescla cu keeshi parmesano y peper mula grof.

Schenkels gesmoor den saus

Ingrediente:
• 4 schenkels
• Salo, peper
• ½ cup hariña blanco
• 1 barra manteca of margarina
• Pida casca di un lamoenchi geel
• 1 telep di siboyo corta chiquito
• 1 tenchi knoflook, corta masha chiquito
• 1 telep di marjoram
• ½ cup di biña corra
• 1 telep di pasta di tomati
• Peterselie corta chiquito
• 2 cup bouillon di carni

Preparacion:
Strooi salo y peper ariba e schenkelnan. Pasanan den hariña blanco. Smelt e mateca y hasa e chenkelnan ariba candela halto te ora nan bira bruin. Baha e candela y agrega siboyo, knoflook, casca di lamoendhi y marjoram. Laga nan hasa un tiki den mateca.Combina e biña cu e pasta di tomati y keinta nan. Basha ariba e schenkels un copi bouillon y tap. Lage stoba pa 1 ½ ora ariba candela abao. Si ta necesario basha mas bouillon y bira e schenkelnan. Sacanan for di e wega y si e saus ta awa, drei untiki hariña blanco aden y pone schenkelnan back den e saus. Strooi peterselie ariba nan. Sirbie cu risotto of macaroni.

Sopi di Baca

– 1 1/4 lb (of) 20 oz di carni soppi na dice (bloki)
– 1 gall = 16 cups di aaw
– 2 oz of 4 tbsp di chicken base

Corta ba bloki no mucho grandi:
– 3 oz di sibojo
– 3 oz di selder
– 6 oz di wortel
– 4 oz di batata
– 4 oz batata dushi
– 4 oz vermicelli
– 1 1/2 pida di maishi
– 1 oz di pasta di tomati
– 1 tsp comino
– 1 oz de margarina

Blancheer e carni 1 x. Den un wea soutee e berduranan (siboyo y selder) den e margarina. Despues ta pone e carni aserca lage hasa un tiki. Despues ta pone e awa y e chicken base aserca. Tapa e wea bon y laga e sopi cushina pa 40 min. Ora e carni ta moli ta pone e resto aserca. Laga e batata bira moli y despues e sopi ta cla. Ta lage mei ora mas.
Pan bati di maishi rabo Mes un receta cu Pan bati gewoon. Pero cu e siguiente cambio:
– Midi di mashi rabo: 3 oz
– Midi di harinja blanco: 3 oz

Voor de rest tur cos ta keda mescos.

Sopi di Oester

– 4 cup di awa
– 3 oz di boullioun di pisca
– 1 blaach di yerba di hole
– White pepper
– Pipita di pepper

Corta na bloki chikito
– 2 oz di bacon
– 1 oz di sibojo
– 1 oz di wortel
– 1 oz di selder

– 2 blekki oyster no benta e awa afor
– 1 oz margarina
– 2 oz harinja

Hasa den un weja cayente:
1. Bacon
2. Agrega e verduranan
3. Agrega e margarina
4. Pone e harinja blanco
5. Pone e liquido di pisca (mester ta cayente) y e awa di oyster
6. Awor e oyster
7. Drecha smaak cu pica

E receta aki ta pa dos hende

Sopi di Pisca

Ingredientenan:
• 1 ½ lb. di filet di pisca, corta na repi
• ¼ cup di hariña blanco
• ¼ cup di azeta dushi
• 1 siboyo, corto chikito
• 2 tenchi conoflok, machica
• 2 tomati grandi, corta na dou
• 1/3 cup di oleifi yena, geslice
• 1 cuchara grandi peterseli corta chikito
• ½ telep di promenton cora corta
• 3 wortel corta chikito
• 8 cup di awa herbiendo
• 1 ½ cup di panermel
• 2 telep di salo

Preparacion:
Lora e pisca den e hariña. Hase den azeta dushi. Agrega siboyo, conoflok, tomati, peterseli y promenton cora. Cushina nan pa 5 minuut. Agrega nan na e awa herbiendo hunto cu e demas ingredientenan. Drei nan bon y laga nan cushina ariba candela abou pa 30 minuut.

Spaghetti carbonara

Ingrediente:
• ½ liber spaghetti herbi (lage lek den colado)
• 2 kopi avoset cream (heavy cream)
• 4 cuchara grandi parmesan cheese
• 1 telep parsley corta chiquito
• 1 telep manteca
• 1 kopi bacon hasa corta chiquito
• 1 webo, 1 telep knoflook fresco corta chiquito salo, peper
na smaak

Preparacion:
Mezcla webo y crema. Despues ariba un vlam abao agrega garlic, parsley keesji, bacon, manteca, salo y peper. Despues di 3 pa 4 minuut agrega e spagheti. Draai e bon. Paga e candela despues di un minuut. Sirbie den tayo hundo y strooi parsley ariba pa un toque especial. Agrega Fresh Fried mushroom.

Spareribs Exotico

Ingrediente:
• 2 liber di spareribs corta na pida pida
• 1 siboyo grandi cortá pida pida
• 1 tenchi di knoflook
• 2 cuchara di honging
• 2 cuchara di binager
• 2 cuchara di Worcesterwhire Sauce
• Un tiki peper y salo na smaak
• ½ cup di awa – ½ cup di ketchup

Preparacion:
Ta pone e spareribsnan den un wea cu awa cu ta tapa nan y ta agrega e salo, knoflook, siboyo y laga nan herbe pa 25 minuut. Ora nan caba di herbe ta saca nan for di awa y laga nan fria. Awor ta mescla e honing, binager, Worcesthershire Sauce, ketchup y e awa hunto. Ta hunta un forma cu manteca y pone e spareribs riba dje y basha e mescla di honing riba nan y hinca nan den forno cendi caba. Mester a cende e forno diez minuut prome na 350 grado. Ta laga e spareribs hasa cada banda 20 minuut den forno. Bo por comé cu su batata hasa y berdura den banda.