Bon dia Anouska, na cuminsa danki pa e momento aki pa tuma bo tempo pa hiba un combersashon cumi persona. Conta mi algo di bo mes.
Mi nomber ta Anouska, mi a nace na Aruba pero mi ta biba i studia hopi tempo caba na Hulanda. Mi tin licenciatura di economía i pedagógica. Awor mi ta cordinator di e projecto Buurtgezinnen. Na Buurtgezinnen un famia ta apoya un otro famia cu tin dificultad cu muchanan den contexto educativo. Buurtgezinnen famia ta pa tur famia cu muchanan di tur edad cu, pa cualkier motibo mester di apoyo pa crianan. Esaki ta esun nan cu no tin famia, bisiña of amigo serka pa por juda nan.
Abo tin un par di conseho pa nos studiantenan?
Den tur pais tin differente reglas, ami ta convenci cu bo por adabta pero keda serka di bo mes di e manera cu bo por mantene bo propio identidad cultural. Esaki no ta nifica cu bo mester mescla i saka e miho di tur dos pa saka e mihor di bo propio persona.
Mi conseho ta pa durf di duna pero tambe durf pa puntra. Tin biaha bo ta encontra cosnan cu bo no ta compronde e ora ta bon pa pidi ajudo.
Do’s & don’ts
Corda cu afsprak ta afsprak. Hopi hende ta aprecia ora bo jega na tempo of cu bo ta cinco minut mas trempan.
Zorg pa un dia structural banda di bo educashon. Ta bon pa sport masce ta un dia pa siman. 
Kiko abo por nifica pa e studiantenan cu ta bin studia na Hulanda? Kiko ta e problema di mas grandi cu nos studiantenan Arubiano por contra cune?
Un compromiso social pa tin e curashi di duna algo na otro sin mester di ricibi algo en cambio. Ta bon pa hasi algo pa un asosashon, cas pa hende grandi of un institution social. Bo ta haña diferente experiencia i desarrollá otro competencia. Un ventaha cu e compromiso voluntario pa un organisashon ta cu bo ta amplia bo netwerk, esaki por judabo ora bo ta buska un lugar pa core stage.
Realisa un bon siguimento di bo e-mail i post. Planea pa hasi bo administratie un bes pa siman. Esaki ta pa evita bo cai den retraso.
Tin biaha comunica cu bo mentor bo por encontra barrera nan grandi of chikito como studiante. E ora tambe ta bon pa puntra bo mentor pa consejo. Papia di antemano cu bo mentor of un persona di confiansa por preveni problemanan importante.
Tin studiante cu ta bai haña hopi falta di cas of ta bai tin problema pa costuma na Hulanda.
Hunto bo ta jega mas leuw cu bo so. Na final bo ta aki pa bo estudio i pa bo desarollo personal. Asina ta cu bo mester hasie bo mes pa tin un bon netwerk, un oido antento na momento nan di nostalgia. Corda semper “bo no ta bo so”. Ami ta desea tur studiante un tempo di estudio instructivo i agradable.
Anouska danki pa bo entrevista. Aki bow mi ta pone un dos link pa amplia bo informashon nan ariba bo estudio. E link nan aki mi a ricibi di personal di Arubahuis. Masha danki.