Miro ami conose bo personan pa basta aña caba. Bo kier a conta nos ken bo ta? Conta nos di bo amor pa musica I participation den festivalnan.
Mi nomber ta Robert Edward Ramiro Ridderstaat mi a nace ariba 19 di november 1964 na Aruba, soltero, mi a traha 12 aña na un compania di schoonmaak despues cu mi a bira malo, e ora mi no por a traha mas.
Mi conose bo como cantante den diferente festival. Desde ki tempo bo ta canta i participa den e festivalnan? Mi tawata canta den un koor na Aruba cu 30 aña San Francisco na Playa y a canta prome biaha festival di Playa Linda na 1987.
Con bo ta prepara prome cu bo subi stage? Train bon y siña e letranan for di mi cabes.
Cua tawata e participashon di mas dushi cu abo ta corda? Dia mi a canta San Juan na Arubadag Heineken Music Hall. Mi sa cu bo a jega di gana diferente premio, bo por conta nos cuanto? Mas o menos 5 biaha San Juan y varios biaha finalista tambe den festival di Dande finalista e anja aki Rey di Dande di Stichting Harpa.
Cu cua premio bo a keda mas contento cu nunka? Dia festival di Dande (C.A.R) a wordu dedica na mi persona dia 27 di December aña 2008
Unda bo ta loko pa participa un biaha mas? Ariba nos dia national, Arubadag.
Cu cua artista lo bo kier subi stage hunto? Mi lo aprecia masha hopi pa subi stage cu Daddy Brokke y Brian Dekker
Kiko bo ta ambicioso pa bo futuro? Pami tin un bon salud pami por sigui aporta na nos cultura
Banda di artiesta kiko mas bo ta gusta hasi? Mi tawata canta den koor The Tropicals, awor ta dirigi y canta den koor Speransa di Dios na Zwijndrecht, mi ta juda na misanan na papiamento aki na Hulanda sirbi misa y lesa lectura, na Breda, Den Bosch, Zwijndrecht y Tilburg. Mi ta resa pa defunto algo cu mi mama(R.I.P) a siñami y ta resa caminda di cruz Diabierna Santo aki na Hulanda.
Señor Ridderstaat kiko ta bo deseo pa tur nos hendenan aki na Hulanda i na Aruba i tur parti di mundo?
Mi deseo pa tur mi famianan y conocirnan na Aruba, Hulanda y tur party di mundo pa pasa un Felis Pasco y cu Anja 2018 trese pas, harmonia y felicidad. Laga nos tur ban uni y copera cu nos cultura aki na Hulanda y hacie mas grandi cu ta posibel. Masha danki i hopi cumindamento di parti Miro Ridderstaat.
