Dia 17 di oktober ami tawata tin e 
honor pa hasi un entrevista cu
Nancy Heinze. Nancy ta jui di
Señor Piet Heinze i Corry Erveraers. E
motibo cu ami a dicidi di papia cu
Nancy te e motibo cu e ta hasi hopi
pa personanan cu menos recurso den Weert. Bon dia Nancy, na prome lugar mi kier a gradicibo pa por a hasi e entrevista cu bo persona. Laga nos cuminsa pa conta nos ken abo ta.
Bon dia Roy, pa mi ta un honor i placer cu bo kier a hasi un entrevista cu mi persona.
Ami ta Nancy Heinze 46 aña di edad i ami tin un jui homber cu jama Shaquille Heinze di 22 aña di edad.
Un paar di aña pasa nan a constata cu bo tin e malesa cu jama Fibromyalgia. Sigun cu ami tin entendi cu esaki ta un problema crónico cu ta causa hopi dolor na bo músculonan. Kiko bo por conta nos di e malesa aki?
Esaki ta un malesa den bo musculonan i e skarnirnan den bo weso. Hunto cu esaki bo tin hopi side afect nan. Entre otro hopi cansancio, casi bo no por cana. Bo por considere como un enfermedat rematismo. Banda di esaki mi tin mas problema cu salud. Mi tin un deficit na vitamina B12 si bo keda cana hopi cune bo ta perde forsa i tin hende por fallece na e problema aki. Tur siman mi tin cu ricibi un hangua pa esaki. Fuera di esey mi ta sufrí tambe di e malesa Tietze esaki ta un enfermedat cu problema den pecho i lomba. Esaki ta dunami hopi dolor ora mi mester tosa of suspirá fuerte.
Okay Nancy esaki ta bo storia di bo malesa. Toch mi ta wak cu bo ta hasi hopi pa otro, conta nos di esaki.
Debi na mi malesanan mi no por sinta keto i esaki ta dunami e motibo pa juda otro. Vooral hende nan cu menos recurso. Hopi hende no sa na unda pa bai i kiko pa bisa. Vooral hendenan cu menos recurso tin biaha tin berguensa pa conta nan storia. Akinan ta caminda cu mi ta bai juda nan. Aki na Weert tin mas pobresa cu hendenan sa.
Fin dia aña tambe bo ta hasi hopi pa bo hendenan cu no por fiesta dianan di fiesta como debe ser. Con abo ta judanan?
Ami a cuminsa cu Kerstpaketten actie, esey kiermen cu si bo tin algo na bo cas cu bo no ta usa bo por trese nan pami. E ora ami ta parti e comestible nan pa e hende nan den necesidad. Awendia nos a pone den man di Weerter Minima Groep pasobra esaki a bira hopi trabow pami. Awe dia 17 di October toevallig ta dia di hende pober. Aña pasa mi a entredusi un Soepfestijn, esaki ta nifica cu nos ta traha 4 diferente sopi cu stokbrood i di e manera aki tur hende por bin cu nan mes un tayo pa come sopi hunto cu otro. Awor aki Weerter Minima Groep Aanschuiftafel i Keent Onderneemt ta hasi esaki.
Tambe nos a ricibi ajudo di Praktijkonderwijs Het kwadrant. Nan ta traha regaldo pa nos por parti ora di un bijeenkomst cu jama aanschuiftafel. Asina Weerter Minima ta trese hendenan hunto pa hasi algo pa otro. Como eksperto di eksperencia mi ta papia cu instancianan pa wak kiko nos por hasi hunto pa nos hendenan.
Nancy fin di aña ta jegando na nos porta. Kiko bo deseonan ta? Esaki ta hopi pa menciona. Ami kier pas i pa hendenan juda otro. Ami ta spera pa ningun hende pasa dianan di fiesta nan so. Pa ami ta hopi importante pa comunidat sa kiko pobresa ta hasi cu famia i principalmente e juinan chiquito. Vooral nos hobennan ta pasa hopi trabow debi despues di lagerschool ja nan haña nan den debe pa por sigi studia.
Nancy danki pa tuma bo tempo pa conta nos un tiki di bo storia. Mi ta deseabo pronto recuperashon cu bo salud.
Roy “ Arubiano” Kelly